Ruitɩ
Aopʋ -ɔɔ mua 'sbɛ -nɛ 'di i nʋa' a, dɛ ao 'jea tɔ' o sie ɛ ka.
'Sbɛ -ɛ -tmʋa Ruitɩ 'a -tɩ' -ta, ɛ 'crɩɩɛ 'de dbɛɛdɛ Soa 'di. Ɛɛ' 'sbɛ tu kɔn -tɩ', dɛ-nʋɛ' ɛmɛ -nɩ "ju nynɔkpao' -ʋ -nɩa 'blʋa 'srʋ 'di 'nynɔ ɛ, ʋmʋ -sa 'e Israɛ 'a Kea -wɛe -ʋ -kpa 'e ɛɛ' 'cɛ "kwlu 'de ɛ po "diwan.
-Bo nyʋ -sro Sesi 'a "bɛma -wi" 'a "i tbaa sʋn ɛ, ʋa' 'nynɩ nɩ 'de ʋʋa' 'nynɩ "kwlu 'mɛ -ke.
'De -mɛ 'de ɛ, ka Kea 'a nyʋ 'a -tɩ' sea 'de Israɛ -nyʋ 'a 'sʋ "kpei "tii- wɛe ɛ kma nyʋ -wee' 'a -tɩ' ɛ, ɛmɛ nyʋ a sie "jriɛ o 'de ɛɛ' 'sbɛ tu 'di -ke.
-Ta ɛɛ' dɛ tu a nʋʋa 'de Israɛ blʋa "kpei ɛ, -mɛ 'beɔ -wi" se 'e 'kpa ke. 'Peeje nyʋ 'a 'sʋ -ble 'blʋa.
'Nynɩ "klein -nɩa 'e Eble wlu 'di 'de 'sbɛ -nɛ 'di ɛ, ɩ -wee' 'bleɛ 'de.
Nyʋ 'bɛɛ ɔ 'je 'sbɛ -nɛ 'ʋn -see' a kpɛ taan:
"Jri klaa" 1: Naomi ke ʋa' "ju 'a 'nynɔ Ruitɩ jiɛ 'de Israɛ blʋa "kpei de
"Jri klae" 2 ke 3 ke-: Ruitɩ -sa ʋa' kʋan 'a 'wlʋa i Boasɩ 'kwla
"Jri klaa" 4: Boasɩ ke Ruitɩ "tiiɛ ba "bli i -wɛe ʋʋ 'wlʋ "junmɔu.